BioProtect hevur til endamáls at samskapa og menna nýhugsandi, vistfrøðisgrundaðar loysnir at verja og endurbýggja lívmargfeldi í Arktis og Atlantshavinum. Serligur dentur er lagdur á at menna loysnir til økisgrundaða umsiting av havinum og avgerðartilgongdum, ið har til hoyra. Hetta inniber, millum annað, at menna mannagongdir og tøkni, ið kunnu betra um samstarvið millum borgarar, fyritøkur og myndugleikar tá avgerðir skulu takast, og at koma við tilmælum um hvussu vit betri kunnu umsita havtilfeingi okkara. Arbeitt verður við at menna og implementera loysnir saman við viðkomandi áhugapartum í fimm ymiskum økjum: Noregi, Íslandi, Írlandi, Azorunum, og Portugal. Verkætlanin fer eisini at fremja og styrkja vitanina um, hvussu veðurlagsbroytingar og menniskjaligt virksemi á sjónum, ávirka lívmargfeldi.

Sjókovin hevur ábyrgdina av teimum samfelags- og búskaparligu greiningunum í verkætlanini og fer við hesum m.a. at meta um ávirkanina av ymiskum átøkum og tøkni, umframt at meta um virði á vistskipanartænastum, har tað er viðkomandi.

Vitja verkætlanarheimasíðuna her.