Nýtt teldutøkt undirvísingartilfar til fólkaskúlan

Sjókovin, Nám og Tøkni hava framleitt serføroyskt undirvísingartilfar um burðardygga fiski- og alivinnu til náttúru og tøkni lærugreinina í fólkaskúlanum.

Talgilda undirvísingartilfarið liggur á heimasíðuni Sjófeingi.fo og kann síggjast við á leinkjuni her

UM UNDIRVÍSINGARTILFARIÐ

• Undirvísingartilfarið er býtt upp í átta høvuðsevni:
  1. Fiskivinna, 2. Alivinna, 3. Framleiðsla av fiskavørum, 4. Fiski- og alivinnan í Føroyum og heimshøpi, 5. Umhvørvisávirkan, 6. Vitan og burðardygd, 7. Heilsugóður matur og 8. Heimsmálini.

• Undir hvørjum evni eru nøkur fakta um evni, uppgávur, floksprát, spurningar, spøl og filmsbrot.

• Eitt føroyakort er lagt inn á síðuna. Á kortinum sæst hvørjar fyritøkur, skip og alifirðir eru í Føroyum og hvar í landinum hesi eru.

• Undir ‘‘Filmsbrot’’ eru ymisk filmsbrot løgd inn. Í einum av filmsbrotunum kunnu menningarstigini hjá laksalúsini síggjast.

• Undir ‘‘Annað tilfar’’' eru m.a. sendingar lagdar inn og annað tilfar um fiski- og alivinnu